KAJRO- Egjipti ka shprehur zemërim pasi Etiopia njoftoi se kishte mbushur rezervuarin në një digë hidroelektrike, në lumin Nil Blu. Prej kohësh, Etiopia ka pasur mosmarrëveshje me Egjiptin dhe Sudanin për megaprojektin që ka nisur që nga viti 2011. Por kundërshtinë më të madhe e ka hasur nga Egjipti, i cili i mbështet tek lumi Nil të gjitha nevojat e tij për ujë. Në një reagim për shtyp, Ministria e Jashtme e Egjiptit tha se Etiopia po shpërfillte interesat e vendeve të tjera që lagen nga lumi Nil.
Por Etiopia pretendon thotë se diga prej 4.2 miliardë dollarësh (3.4 miliardë £) nuk do të shkurtojë pjesën e tyre të ujit të Nilit.
"Me kënaqësi të madhe njoftoj përfundimin me sukses të mbushjes së katërt dhe të fundit të Digës së Rilindjes,"-tha kryeministri etiopian Abiy Ahmed në X, dikur Twitter. Po ashtu, ai pranoi se projekti ishte përballur me "pengesa të brendshme dhe të jashtme", por shtoi: Ne i duruam të gjitha!
Diga filloi të prodhojë energji elektrike në shkurt 2022.
Etiopia beson se Diga e Rilindjes së Madhe Etiopiane (Gerd) do të dyfishojë prodhimin e energjisë elektrike të vendit, duke ofruar një nxitje jetike zhvillimi, pasi aktualisht gjysma e popullsisë 127 milionëshe i mungon energjia elektrike. Plani është të gjenerojë më shumë se 6,000 MW në digë, e cila është rreth 30 km (19 milje) nga kufiri i Etiopisë me Sudanin.
Egjipti dhe Sudani janë në përplasje pasi kërkojnë të vendosur rregullat të përbashkëta për funksionimin e Gerdit, nga frika se Etiopia e uritur për energji mund të përkeqësojë mungesën e tyre ekzistuese të ujit. Negociatat mbi projektin rifilluan muajin e kaluar, pasi u pezulluan në vitin 2021. Sudani - aktualisht i zhytur në luftime midis ushtrive rivale - nuk reagoi menjëherë ndaj njoftimit të kryeministrit Abiy Ahmed të dielën.
Masat e njëanshme të Etiopisë konsiderohen si shpërfillje e interesave dhe të drejtave të vendeve të poshtme dhe sigurisë së tyre ujore, siç garantohet nga parimet e së drejtës ndërkombëtare./BBC
