Hamid ben Henna ishte duke darkuar me familjen e tij të premten kur i kërkoi djalit të tij të vogël të merrte një thikë nga kuzhina për të prerë një pjepër.
Djali i tij, Marouane shkoi të merrte një kur dhoma filloi të dridhej dhe dritat u fikën. Rrënojat nisën të bien nga tavani në shtëpinë e familjes në High Atlas Mountains.
Ben Henna i tha agjencisë së lajmeve Reuters: "Gjithçka filloi në orën 23:30. Marouane nuk u kthye dot sepse sapo doli nga kuzhina, ra tërmeti."
Ai tha se tetë-vjeçari u varros nën rrënoja.
Fatima, nëna e Marouane tha: "Nuk kishte dritë. Ne ishim në errësirë dhe nën pluhur. Ne dëgjuam tërmetin dhe muret që binin. Por në fillim nuk e kuptuam se çfarë po ndodhte."
Ndërsa shtëpia e tyre u shemb Ben Henna dhe djali tjetër i tij, Mouad arriti të hapte derën në rrugicë dhe të lironte gruan dhe vajzën e tij të vogël.
Por ndërsa pluhuri ra, ata kuptuan se Marouane nuk ia kishte dalë. Trupi i tij u gjet të shtunën./Zëri
