Bota

Robert De Niro ofendon Trump dhe zihet me mbështetësit e tij jashtë gjykatës

Aktori nuk ka hezituar dhe është përballur ashpër me mbështetësit e Trump, duke përsëritur se presidenti amerikan është “tiran dhe asgjë tjetër”, ndërsa mbështetësit e tij që shanin aktorin i quajti “gangsterë”.

E.K
Robert De Niro ofendon Trump dhe zihet me mbështetësit e tij
Robert De Niro

Aktori dhe ikona e njohur e kinematografisë botërore Robert De Niro është shfaqur i zemëruar me rastin e dënimit të ish-presidentit amerikan Donald Trump për të 34 akuzat në gjyqin penal me yllin porno Stormy Daniels. Ndërkohë që gazetarët prisnin shpalljen e vendimit të gjykatës së Nju Jorkut dhe mbështetësit e Trump po demonstronin në favor të tij, Robert De Niro sulmoi Trump, duke e quajtur të çmendur.

Aktori nuk ka hezituar dhe është përballur ashpër me mbështetësit e Trump, duke përsëritur se presidenti amerikan është “tiran dhe asgjë tjetër”, ndërsa mbështetësit e tij që shanin aktorin i quajti “gangsterë”.

“Ju nuk e kuptoni që Trump dëshiron të mbjellë kaos absolut, gjë që më në fund ia doli ta bëjë”, tha ai.

“Nëse ai kthehet në Shtëpinë e Bardhë, ne do të humbasim të gjitha liritë e fituara. Ai nuk do të largohet kurrë”, shtoi Robert De Niro.

Robert De Niro gjithashtu tha në deklaratat e tij se Trump përveç se është "i çmendur" është "një klloun" që "pas shkatërrimit të Nju Jorkut dëshiron të shkatërrojë vendin dhe të gjithë botën"./ZËRI

Poll

MOS HUMB