GAZA – Sot në mëngjes, u regjistrua një sulm i papritur me raketa nga ana e Hamas në drejtim të disa qyteteve, të banuara kryesisht nga izraelitët.
Autoritetet izraelite thanë se 2 200 raketa janë hedhur në drejtim të qyteteve të banuara nga hebrenjtë.
Ndërsa, komandanti i HAMAS Muhammad Al-Deif, pretendon se “janë së paku 5000 raketa të hedhura në drejtim të ushtrisë izraelite”.
Izraeli tha se janë marrë menjëherë masa dhe se rreth zonave të Rripit të Gazës janë vendosur përforcime të ushtrisë izraelite.
Palestinezëve u është ndaluar të kalojnë pikat e kontrollit në Jerusalem, që kur Hamasi filloi sulmin në mëngjes.
Palestinezët thonë se kufizime të tilla në lirinë e tyre të lëvizjes janë poshtëruese dhe po i bëjnë ata të duken sikur janë qytetarë të dorës së dytë.
Izraeli pretendon se masa të tilla mund të minojnë aksionet “terroriste”.
Hamasi tha se ka kapur peng ushtarë izraelitë, pranë kufirit të Gazës, gjatë sulmit të befasishëm të së shtunës në mëngjes.
Hamas kreu një sulm ushtarak sot në mëngjes, duke vrarë 40 ushtarë izraelitë dhe plagosur dhjetëra të tjerë.
Nuk mungoi kundërpërgjigja e Izraelit, që vrau me raketa së paku 161 palestinezë dhe plagosi mbi 1000 të tjerë. /Zëri.ai/
