EGJIPT- Ambulancat që evakuojnë foshnjat e lindura para kohe në Gaza kanë mbërritur në Egjipt përmes vendkalimit Rafah.
Kolona u prit nga profesionistë mjekësorë që prisnin me inkubatorë për t'i marrë ata në kujdes. Foshnjat e lindura para kohe ishin në spitalin Al-Shifa në Gaza, i cili është kthyer në një fushëbetejë të re lufte mes Izraelit dhe Hamasit.
Ushtria izraelite pretendon se objekti po përdoret nga Hamasi si mburojë për operacionet e tij dhe bastisi spitalin të mërkurën e kaluar. Hamasi dhe zyrtarët e spitalit kanë mohuar pretendimet e Izraelit, duke e konsideruar një krim lufte atë që po ndodh mbi popullsinë civile në Gaza.
Izraeli është nën presion për të ofruar prova për pretendimin e tij se Hamasi përdor Al-Shifa për qëllime luftarake. Izraeli publikoi të dielën një video survejimi që tregon se militantët e Hamasit sjellin dy pengje në kompleks. Hamasi dhe zyrtarët e spitalit kanë mohuar pretendimet e Izraelit për Al-Shifa.
