FRANCË- Presidenti francez Emmanuel Macron ka deklaruar se spitalet franceze mund të trajtojnë fëmijë të plagosur ose të sëmurë nga Gaza. Në një mesazh të postuar në X, Macron thekson se Franca po mobilizon të gjitha mjetet që ka në dispozicion, kryesisht nga ajri, në mënyrë që fëmijët të transportohen dhe trajtohen në Francë.
"Po bëhen marrëveshje për të pritur deri në 50 pacientë në spitalet tona. Një aeroplan i ri i forcave ajrore do të transportojë më shumë se dhjetë tonë ngarkesë mjekësore në fillim të javës. Ne duhet të sigurojmë një armëpushim të menjëhershëm humanitar që çon në një armëpushim në Lindjen e Mesme,"-tha Macron.
Sipas zyrtarëve izraelitë, rreth 1200 njerëz, shumica prej tyre civilë, u vranë në Izrael gjatë sulmit të Hamasit më 7 tetor dhe rreth 240 u morën peng. Në Gaza, 13,000 njerëz, kryesisht civilë dhe më shumë se 5,000 prej tyre fëmijë, janë vrarë nga reagimi ushtarak i Izraelit, sipas zyrtarëve të Hamasit.
