ITALI- Sheshi që rrethon "kullën e anuar" mesjetare të Bolonjës do të mbyllet për disa vite pas shqetësimeve se struktura e shekullit të 12-të po anohet më tepër seç duhet. Sipas "The Guardian", kryetari i bashkisë së qytetit italian, Matteo Lepore tha se mbyllja e Piazza di Porta Ravegnana ishte e nevojshme për të "shpëtuar" kullën Garisenda.
“Ne nuk po ndërhyjmë sepse mendojmë se mund të shembet në çdo moment, ne po ndërhyjmë sepse duam ta bëjmë të sigurt,”-tha ai.
Fati i Garisenda 48 metra i lartë ka qenë një temë e shumë diskutimeve në qytetin Emilia-Romagna pasi shkencëtarët nga Universiteti i Bolonjës zbuluan një anim anormal të kullës. Garisenda, e cila la Charles Dickens të magjepsur gjatë një vizite në Bolonja, anon në 4 gradë, krahasuar me 3.9 gradë të kullës së Pizës në Itali. Pjerrësia besohet se mund të jetë shkaktuar nga rrëshqitja e tokës gjatë shekullit të 14-të. Kulla po monitorohet për çarje dhe janë instaluar sensorë për të gjurmuar çdo zhvendosje. Themelet e saj do të mbërthehen me materiale të reja për ta bërë strukturën më të sigurt.
Kullat Garisenda dhe Asinelli janë emëruar sipas familjeve rivale që i ndërtuan, besohet se janë një mënyrë për të konkurruar mbi fuqinë dhe pasurinë e tyre dhe ndodhen në atë që ishte dikur hyrja e qytetit. Garisenda u citua disa herë në Komedinë Hyjnore të Dante Alighieri dhe Le Rime, por edhe Dickens shkroi për të. Garisenda u përmend gjithashtu në 'Udhëtimi Italian' të Gëtes./Zëri.ai
