SHBA- Presidenti i Shteteve të Bashkiuara të Amerikës Joe Biden ka konfirmuar lirimin e pesë amerikanëve nga Irani, ndërsa ka njoftuar sanksione të reja ndaj Teheranit. Ndërkohë 5 amerikanët kanë mbërritur në Katar. Një aeroplani i Katarit i transportoi pesë shtetasit amerikanë dhe dy të afërm të tyre nga Teherani, menjëherë pasi të dy palët u njoftuan se fondet ishin trasferuar në llogari bankare në Doha, raportojnë mediat e huaja.
Joe Biden: Sot, pesë amerikanë të pafajshëm që u burgosën në Iran më në fund po kthehen në shtëpi. Siamak Namazi, Morad Tahbaz, Emad Sharghi dhe dy qytetarë që dëshirojnë të mbeten privatë do të ribashkohen së shpejti me të dashurit e tyre, pas durimit të viteve të agonisë, pasigurisë dhe vuajtjes. Unë u jam mirënjohës partnerëve tanë brenda dhe jashtë vendit për përpjekjet e tyre të palodhura për të na ndihmuar të arrijmë këtë rezultat, duke përfshirë qeveritë e Katarit, Omanit, Zvicrës dhe Koresë së Jugut. Falenderoj të veçantë emirin e Katarit, Sheikh Tamim bin Hamad dhe Sulltanin e Omanit, Haitham bin Tarik, të cilët të dy ndihmuan në lehtësimin e kësaj marrëveshjeje gjatë shumë muajve të diplomacisë së vështirë dhe parimore amerikane. Ndërsa festojmë kthimin e këtyre amerikanëve, kujtojmë edhe ata që nuk u kthyen. I bëj thirrje regjimit iranian që të japë një llogari të plotë të asaj që ndodhi me Bob Levinson. Familja Levinson meriton përgjigje. Sot, ne po sanksionojmë ish-presidentin Mahmoud Ahmadinejad dhe Ministrinë iraniane të Inteligjencës sipas Aktit Levinson për përfshirjen e tyre në ndalime të paligjshme. Dhe ne do të vazhdojmë t'i imponojmë Iranit kosto për veprimet e tyre provokuese në rajon.
Biden gjithashtu u bëri thirrje amerikanëve që të shmangin udhëtimin në vend, i cili ka burgosur vazhdimisht qytetarët amerikanë:
Joe Biden: Dhe teksa mirëpresim në shtëpi bashkëqytetarët tanë, u kujtoj edhe një herë të gjithë amerikanëve rreziqet serioze të udhëtimit në Iran. Mbajtësit e pasaportave amerikane nuk duhet të udhëtojnë atje. Departamenti Amerikan i Shtetit ka një paralajmërim të gjatë udhëtimi që thotë: Mos udhëtoni në Iran për shkak të rrezikut të rrëmbimit dhe arrestimit dhe ndalimit arbitrar të qytetarëve amerikanë. Të gjithë amerikanët duhet t'i vënë veshin këtyre fjalëve dhe nuk kanë shpresë se lirimi i tyre mund të sigurohet nëse nuk e bëjnë këtë.
Marrëveshja për shkëmbimin e të burgosurve mes dy vendeve kundërshtare u ndërmjetësua nga Doha. Në marrëveshje gjithashtu përfshihet edhe zhbllokimi i fondeve iraniane prej 6 miliardë dollarësh nga një bankë koreanojugore./Zëri.ai
