BRITANI E MADHE- Princesha Kate dhe Princi William nuk do të marrin pjesë në shërbimin tradicional të Kishës së të dielës së Pashkëve të familjes mbretërore, pasi u zbulua këtë mbrëmje se Princesha e Uellsit kishte kancer.
Në një deklaratë publike, ajo konfirmoi se është diagnostikuar me kancer, gjë që u zbulua nga testet që pasuan një operacion të suksesshëm abdominal në Londër në janar. 42-vjeçarja tha se ajo ishte këshilluar nga ekipi i saj mjekësor që t’i nënshtrohej kimioterapisë parandaluese, pasi është në fazat e hershme të sëmundjes së rëndë.
Si rezultat, Princesha Kate dhe bashkëshorti i saj Princi William nuk do të marrin pjesë në shërbimin vjetor të kishës të së dielës së Pashkëve në ëindsor, pasi Princesha e Uellsit vazhdon shërimin e saj, shkruajnë mediat e huaja.
Gjatë deklaratës së saj, Princesha Kate tha se diagnoza erdhi si një tronditje e madhe, dhe William ka bërë gjithçka që për ta menaxhuar privatisht për hir të familjes./ZËRI
