SPANJË- Autoritetet në Spanjë kanë shkatërruar një organizatë kriminale, që lidhet me shitjenj e kufomave, të cilat i nxirnin ilegalisht nga spitalet dhe shtëpitë e të moshuarve për t'i rishitur universiteteve për qëllime studimi, me 1200 euro secila.
Sipas asaj që policia raportoi në një njoftim, rrjeti i krijuar nga një zyrë funerali përfundoi duke i faturuar mbi 5000 euro një universiteti për të kryer njëmbëdhjetë djegie të kufomave, pasi ishin studiuar, të pa regjistruara në asnjë nga faturat e lëshuara nga funerali.
Hetimi filloi në fillim të vitit 2023, pas një ankese në polici se trupi i një pacienti të vdekur ishte hequr nga morgu i një spitali në mënyrë të parregullt, për të cilin më pas ishte falsifikuar edhe dokumentacioni.
Pas një sërë kontrollesh, hetuesit vërtetuan se dy punëtorë të agjencisë funerale e kishin nxjerrë trupin nga morgu për ta transferuar në një universitet, të cilit i ishte shitur për 1200 euro, në vend që ta varrosnin në vendbanimin e të ndjerit me shpenzimet komunale.
E njëjta skemë ishte përdorur edhe për të vdekurit e tjerë, kryesisht të huaj të moshuar, të cilët vdiqën në spitale ose në shtëpi për moshat e treta, të cilët nuk kishin familjarë që të mund të kërkonin trupat e tyre.
Hetimi zbuloi gjithashtu parregullsi në djegien e kufomave të cilat, pasi u përdorën për autopsi për qëllime studimi, universitetet ia kthyen agjencisë funerale. Sipas hetuesve, punëtorët futën eshtrat në arkivolet e të vdekurve të tjerë, duke kryer djegien e kufomave të shumta në një djegie të vetme, për të kursyer në kostot të cilat në vend të kësaj u ngarkoheshin dhe faturoheshin universiteteve.
Në përfundim të operacionit u arrestuan katër persona, njëri prej të cilëve me precedentë penalë, të cilët u denoncuan për organizatë kriminale me qëllim trafikimin e kufomave. /ZËRI
