KIEV- I dërguari i SHBA në Ukrainë, Keith Kellogg, ka anuluar një konferencë për shtyp pas një takimi me presidentin ukrainas Volodymyr Zelenskyy. Sipas mediave të huaja, Kellogg tha se nuk do t'ju përgjigjej pyetjeve të gazetarëve.
Udhëtimi tre-ditor i Kellogg në Kiev erdhi pasi Donald Trump akuzoi Zelenskyy-n si "diktator" dhe e fajësoi atë për luftën me Rusinë. I pyetur se çfarë tha Zelenskyy-t, Kellogg qeshi dhe u largua. Më herët, Shtëpia e Bardhë i kishte kërkuar Kievit që të zbuste kritikat dhe të nënshkruante marrëveshjen për mineralet me Uashingtonin.
Takimi vjen një ditë pasi Trump dhe presidenti ukrainas Volodymyr Zelenskyy shkëmbyen ofendime në rrjetet sociale. Trump e quajti presidentin ukrainas një diktator, ndërsa Zelenskyy duke thënë se presidenti amerikan po jetonte në një flluskë dezinformimi dhe po shprehte pikëpamjet e Moskës.
Teksa Trump vazhdon i vetëm negociatat me Rusinë, Ukraina dhe liderët evropianë kanë ngritur zërin për faktin që nuk janë të përfshirë./ZËRI
