MAL I ZI- Kwon Do-hyung, CEO i Terraform Labs, një figurë kyçe në kolapsin e monedhës virtuale "Terra dhe Luna", do të paguajë çmimin e krimit të tij në Korenë e Jugut. Autoritetet malazeze do të ekstradojnë në vendlindje, shtetasin korean ku do të përballet me akuza për mashtrim pasi fshiu rreth 60 miliardë dollarë në vitin 2022.
Gjykata e apelit e Malit të Zi hodhi poshtë një apel të avokatëve të Kwon të mërkurën, duke konfirmuar vendimin e Gjykatës së Lartë të 6 marsit për ekstradimin e Kwon në vendin e tij. Si SHBA ashtu edhe Koreja e Jugut kanë bërë peticion për ekstradimin e Kwon, shkruan Vijesti.
“Vendimi i gjykatës do t'u dërgohet autoriteteve amerikane, por nuk do të shtyjë ekstradimin. Ky vendim është përfundimtar dhe i pandehuri do të ekstradohet në Korenë e Jugut,” tha për DL News Marija Rakovic, një zëdhënëse nga Gjykata e Lartë .
Kwon u arrestua marsin e kaluar në një pistë në Mal të Zi për posedim të një pasaporte false të Kosta Rikës. Kwon u deklarua i pafajshëm për akuzat për përpjekje për të udhëtuar me dokumente të falsifikuara, por gjykata e shpalli sipërmarrësin fajtor dhe e dënoi atë me katër muaj burg në Mal të Zi./ZËRI
