SHBA- Salt Bae ka mbyllur një restorant në Manhatan. Shefi turk i kuzhinës Nusret Gökçe - ka mbyllur Nusr-Et Steakhouse në lagjen e mishit të Manhattan, pranë Ninth Avenue. Mbyllja është pjesë e një zhvendosjeje të kompanisë në tregjet ndërkombëtare.
"Ata provuan disa tregje të ndryshme. Disa kanë lulëzuar ndërsa të tjerët jo,"-tha një zëdhënës i grupit të restoranteve Nusr-Et.
Tani Gökçen ka vetëm një restorant në Nju Jork: një degë e Nusr-Et Steakhouse në Midtown. Në kulmin, Gökçe kishte tre restorante në qytetin e Nju Jorkut. Vitin e kaluar, kasapi turk mbylli një tjetër nga restorantet e tij në Manhattan - Salt Bae Burger - i cili u vlerësua për milkshake-t e tij prej 99 dollarësh dhe hamburgerët me perime falas për gratë.
Nusr-Et Steakhouse u prit më mirë kur u hap në Midtown në 2018. Por kritikët e ushqimit në Eater dhe New York Times thanë se ushqimi i mrekullueshëm nuk ia vlente çmimin. Që nga hapja e restorantit në Nju Jork, Gökçe dhe grupi i tij i restoranteve kanë qenë subjekt i padive të shumta. Në vitin 2019, një ish-kamarier ngriti një padi duke pretenduar se Gökçe merrte bakshishin nga kamarierët, çështja u zgjidh me 300 mijë dollarë.
Shtetet e Bashkuara janë tregu i dytë më i madh i Nusr-Et. Në nivel global, kompania operon më shumë se 30 restorante në shtatë vende, duke përfshirë Italinë, ishullin Mykonos dhe Meksikën./ZËRI
