SHBA- Shkencëtarët paralajmërojnë se pandemia e radhës e konsideruar "E madhja" mund të jetë sëmundja më ngjitëse dhe më vdekjeprurëse që ka njohur njerëzimi. Ky variant ka një shkallë vdekshmërie deri në 75 përqind krahasuar me Covid-in, që është shumë nën një përqind, shkruan Dailymail.
Sëmundja e re besohet të jetë e lidhur me paramiksoviruset, një familje virusesh që përfshin patogjenë të njohur si fruthi, shytat dhe infeksionet e traktit respirator. Instituti Kombëtar i Alergjisë dhe Sëmundjeve Infektive në Angli ka shtuar së fundmi këtë familje virusesh në listën e patogjenëve pandemikë për ta monitoruar nga afër. Virusi Nipah shquhet për aftësinë e tij për të infektuar qelizat me receptorë që rregullojnë atë që hyn ose del nga qelizat që rrethojnë sistemin nervor qendror dhe organet jetësore.
Sipas shkencëtarëve frika është se një paramiksovirus mund të shfaqet me ngjitshmërinë e fruthit dhe vdekshmërinë e Nipahut, duke paraqitur një kërcënim të frikshëm dhe potencialisht shkatërrues.
