DUBAI- Modelja ukrainase Maria Kovalchuk, e cila u gjet me lëndime të tmerrshme në Dubai është operuar me sukses për herë të katërt. Ajo që i shqetëson të gjithë është ajo që po bënte Maria kur përfundoi në “shoqërinë e gabuar”. Sipas mediave të huaja, e reja kishte shkuar fillimisht të punonte si punonjëse seksi në Barcelonë, ku për shërbimet e saj kërkonte 500 euro, pavarësisht nga gjinia apo numri i klientëve. Gjithashtu, dyshohet se ajo ka pasur probleme me varësinë ndaj substancave ilegale.
Kovalchuk besohet se ka qenë prej disa kohësh e përfshirë në këtë "botë" dhe nëna e saj kishte dijeni. Megjithëse e vetëdijshme për punën që bënte e bija, mamaja nuk e kishte problem. Sipas kanalit Telegram "Mash", 20-vjeçarja dyshohet se ka marrë pjesë në orgji në Dubai dhe ka siguruar jetesën duke ofruar shërbime seksuale, madje pretendohet se ishte e specializuar në fetishe ekstreme. E ndërsa Kovalchuk mund të jetë rrëzuar nga një pallat në ndërtim e sipër, për t'i shpëtuar klientëve që po e sulmonin. Dyshohet se ajo ka marrë pjesë në një festë të organizuar për anëtarët e “shoqërisë së lartë”.
Me këta persona thuhet se festat e shthurura janë mjaft të zakonshme. Gratë që marrin pjesë në këto festa fitojnë deri në 30,000 dollarë për të marrë pjesë, por shfrytëzimi seksual deri në ekstrem është shumë i zakonshëm. Për 50,000 dollarë, disa grave u thyhen dhëmbët, dhunohen, qethen tullace, ose vareshin në disa grepa metalikë. Sa më tërheqëse dhe popullore të ishte një grua, aq më shumë fitonte. Disa thuhet se kanë fituar deri në 100 mijë euro.
Për festat e ashtuquajtura "Porta Potty" flet edhe prestigjozia "The New York Post", duke pretenduar të famshmit, modelet dhe aktoret mund të fitojnë deri në 100,000 dollarë në këmbim të përmbushjes së dëshirave të burrave ultra të pasur. Radha Stirling, CEO i Detained in Dubai, një organizatë që ndihmon individët e huaj lidhur me sistemin ligjor të Emirateve të Bashkuara Arabe, shpjegoi për The Mirror se si influencuesit joshen në këto ngjarje.
“Kemi marrë ankesa të shumta nga influencera që ishin ftuar në Dubai për shfaqje dhe evente, vetëm për ta gjetur veten nën presion për të marrë pjesë në festa të tilla.”
Ajo shtoi se ligjet e Emirateve të Bashkuara Arabe në lidhje me seksin jashtëmartesor u lehtësuan në vitin 2022, ndaj edhe për këto shfaqje janë gjetur hapësira të reja.
"Gratë duhet të jenë të vetëdijshme se mund të gjenden në situata të rrezikshme. Nëse përfshihen me një burrë i martuar, ato madje mund të akuzohen për tradhti bashkëshortore."
Pjesë e këtij grupi mendohet të ketë qenë edhe Kovalchuk, por ende e reja nuk ka konfirmuar asgjë, pasi ende nuk është në gjendje që të flasë para autoriteteve. Avokatja Katja Gordon shpjegoi për "The Sun" se sa të rrezikshme janë këto festa, pavarësisht çmimeve joshëse në para.
"Ka video të sheikëve që godasin vajzat, u presin flokët dhe u bëjnë gjëra të tjera të ndryshme," tha ajo, duke përmendur historitë e shumta që kanë dalë në dritën e ngjarjes së tmerrshme. Ndërsa miqtë e Kovalchuk e mohojnë faktin se mikesha e tyre merrte pjesë në festa të ngjashme.
Aktualisht, autoritetet në Dubai po hetojnë për të zbuluar se si ka ndodhur ngjarja, por situata është pak e "turbullt" pa rrëfimin e Marias, e cila edhe pse ka dalë nga koma ende nuk është në gjendje të flasë. Nga informacionet paraprake thuhet se modelja ukrainase ka mbërritur në Dubai më 15 shkurt, për pushime me mikeshën e saj, modelen ruse Angelina Doroshenkova. Më pas, ajo u zhduk për 8 ditë pasi u tha miqve se ishte e ftuar në një festë në një hotel më 9 mars. Modelja u gjet në rrugë me brinjë, gjymtyrë dhe shtyllë kurrizore të thyer, por fatmirësisht është ende gjallë.
Në momentin e zhdukjes së saj, Maria i kishte thënë nënës së saj se do ta kalonte natën me dy burra që pretendonin se ishin agjentë modelingu. Ajo kishte rezervuar gjithashtu një fluturim për në Tajlandë që nisej nga Dubai më 11 mars, por nuk u shfaq kurrë në aeroport, duke bërë që familja dhe miqtë e saj të paralajmëronin autoritetet./ZËRI
