SHBA- Diskutimet mbi fatin e Tik Tok janë në ethe në SHBA, pasi afati i fundit për të arritur një marrëveshje për shitjen e tij, duket se është afër fundit. Presidenti amerikan Donald Trump është shprehur se është “shumë afër” ndërmjetësimit të një marrëveshje për të gjetur një blerës për “TikTok”, platform kjo që do të ndalohet në vend, nëse pronari kinez nuk e shet aplikacionin në fundjavë.
Një ligj i miratuar nga Kongresi vitin e kaluar detyron kompaninë mëmë kineze të TikTok, ByteDance, të shesë aplikacionin. Platforma u “ndalua” për një ditë në janar në SHBA pasi ligji hyri në fuqi, derisa Trump ndërhyri dhe e shtyu ndalimin deri më 5 prill.
Qeveria amerikane ka thënë se TikTok përbën një kërcënim për sigurinë kombëtare sepse autoritetet kineze mund të kenë akses në sasinë e madhe të të dhënave të përdoruesve, akuza këto që Pekini i mohon.
Kush mund të blejë TikTok?
Duke folur në Air Force One të enjten, Trump tha se "shumë investitorë" kanë ofruar marrëveshje. Ai sugjeroi gjithashtu që SHBA-ja mund të ofronte një marrëveshje, ku Pekini pranon të miratojë shitjen e TikTok në këmbim të përjashtimit nga tarifat amerikane për importet kineze.
Ka shumë blerës potencialë. Amazon i ka bërë një ofertë të minutës së fundit Shtëpisë së Bardhë për të blerë TikTok, raporton BBC. Trump ka thënë se do të ishte i hapur për t'ia shitur TikTok bashkëthemeluesit të Oracle, Larry Ellison, si dhe Elon Musk, megjithëse ky i fundit tha se nuk kishte ndërmend të blinte.
Blerës të tjerë të mundshëm përfshijnë miliarderin Frank Mçourt, së bashku me biznesmenin kanadez Kevin O'Leary - një investitor i famshëm në Shark Tank, versioni amerikan i Dragons' Den.
Alexis Ohanian, i cili themeloi Reddit, zbuloi në një postim në X muajin e kaluar se ai i ishte bashkuar ofertës së Mçourt. YouTuber-i më i madh në botë, Jimmy Donaldson - i njohur si MrBeast - ka thënë gjithashtu se dëshiron të blejë TikTok si pjesë e një grupi investitorësh.
Tim Stokely, themeluesi britanik i OnlyFans, ka ofruar gjithashtu të blejë TikTok nën kompaninë e tij të rifilluar së fundmi, Zoop.
Gjiganti kompjuterik Microsoft, gjigandi i kapitalit privat Blackstone, firma e kapitalit të sipërmarrjes Andreessen Horoëitz dhe motori i kërkimit Perplexity AI raportohet se po konkurrojnë gjithashtu për të blerë aksione.
Shtëpia e Bardhë thuhet se ka shqyrtuar një opsion në të cilin ByteDance do të ruante pronësinë e algoritmit të TikTok, por do t'ia jepte me qira një entiteti të ri.
Nëse nuk ka marrëveshje, a do të ndalohet TikTok?
Nëse nuk arrihet marrëveshje deri më 5 prill, aplikacioni do të përballet sërish me një ndalim në SHBA dhe nuk do të jetë i disponueshëm për përdoruesit. Trump nënshkroi një urdhër ekzekutiv në janar që vonoi ndalimin e TikTok vetëm me 75 ditë.
Urdhri i tij nuk e rrëzoi një ndalim të aplikacionit të miratuar në ligj nga Kongresi dhe të mbështetur nga Gjykata e Lartë e SHBA. Trump mund të lejojë që ligji të qëndrojë në fuqi, por t'i kërkojë Departamentit të Drejtësisë që ta injorojë atë.
Trump gjithashtu la të hapur mundësinë e zgjatjes së afatit nëse është e nevojshme. Presidenti i SHBA tha se “TikTok duhet të vazhdojë të jetë në vend”.
A mund të qëndrojnë të rinjtë amerikanë pa TikTok?
TikTok thotë se ka 170 milionë përdorues amerikanë që shpenzuan - mesatarisht - 51 minuta në ditë në aplikacion në vitin 2024. Ekspertët thonë se konkurrentët si Instagram Reels dhe YouTube Shorts mund të përfitojnë nëse përpjekjet e Trump për të ndërmjetësuar një shitje të TikTok dështojnë.
"Udhëheqësit e marketingut me të cilët folëm konfirmuan se ata do të devijonin mediat e tyre te Meta dhe Google nëse nuk mund të reklamonin më në TikTok," tha Kelsey Chickering, një analist në firmën e kërkimit të tregut Forrester.
Aksioner të tjerë të mundshëm përfshijnë Tëitch të Amazon, i cili nihet për transmetime të drejtpërdrejta - një veçori e njohur në TikTok.
Tëitch është i njohur veçanërisht në mesin e lojtarëve, megjithëse përmbajtja tjetër e tij po zgjerohet gjithashtu.
Platforma të tjera në pronësi kineze si Xiaohongshu - e njohur si RedNote në mesin e përdoruesve të saj në SHBA - po pësojnë një rritje të shpejtë në SHBA dhe Mbretërinë e Bashkuar./ZËRI
