ITALI- Italia u trondit nga dy vrasje në vend ditët e fundit, ajo e shqiptares Ilaria Sula nga ish-i dashuri i saj filipinez, Mark Samson dhe vrasja e Sara Campanella, nga një student në universitetin e Palermos. Të dy vajzave, iu ndërpre jeta në mes në mënyrë mizore, duke lënë përgjysmë ëndrrat e tyre. Sara Campanella nga Palermo studoi për infermieri dhe po vazhdonte prtaktikën e saj, kur një student u fiksua pas saj dhe filloi ta ndiqte.
27-vjeçari Stefano Argentino e ndoqi për një kohë të gjatë viktimën me makinë dhe iu afrua, por në momentin kur ajo e refuzoi dhe i kërkoi ta linte të qetë, ai e qëlloi me thikë në fyt. Sipas dëshmitarëve, ata debatuan së bashku dhe më pas ai e goditi. 22-vjeçarja ndërroi jetë më 1 prill teksa po transportohej në spital. Sipas prokurorit të çështjes, autori e ngacmonte viktimën prej dy vitesh që kur ajo filloi aty universitetin, por gjithmonë është refuzuar nga ajo. Avokati i tij, Raffaele Leone, tha se Argentino e ka pranuar krimin.
Mediat italiane, kanë publikuar një audio, ku dëgjihet Sara Campanella duke e refuzuar autorin dhe i kërkon atij që ta lërë të qetë. Disa minuta para se të qëllohej për vdekje, ajo i shkroi një miku të saj se ndihej e frikësuar dhe dikush e ndiqte.
Biseda mes viktimës dhe autorit:
Sara: Nuk dua të flas.
Stefano: Nëse nuk më do ma thuaj.
Sara: Po ta them sërish nuk dua asgjë me ty. Kam një vit që të themë, uroj të jem e qartë. Më lër të qetë. A nuk e kupton?
Stefano: Këtë s'ma ke thënë, megjithatë ka kaluar kohë që nga vera, kur kemi fol.
Sara: Pra, tani po ta them përsëri… nëse mundesh më lër të qetë. Kthehu në shtëpinë tënde dhe unë do të vazhdoj rrugën time. Nuk dua të më ndjekësh më. Po jua kërkoj me mirësi.
Stefano: Pse po e bën këtë?
Sara: Çfarë po bëj? Po të them mos më ndiq më!
Stefano: Çfarë kërkon të arrish?
Sara: Nuk kërkoj asgjë, je ti ai që më ndjek.
Stefano: Është e pamundur të flas me ty dhe të më kuptosh.
Sara: Nuk është e pamundur. Por çfarë do të flasësh me mua? Do që të dalim? Më fal por jam e fejuar.
Stefano: Nuk është e vërtetë
Sara: Jam e fejuar. E mirë, le të themi se nuk është e vërtetë, sërish nuk dua asgjë nga ti.
Stefano: Pse nuk më tregove menjëherë?
Sara: Po si ta them, kur nuk kemi folur kurrë.
Stefano: Kush është shkaku që nuk kemi folur kurrë?
Sara: Po të kërkoj me mirësjellje, më lër të qetë, nuk ka kuptim të vazhdosh të më ndjekësh.
Stefano: Nëse është e vetmja mënyrë për ta bërë këtë, domethënë...
Sara: Jo nuk është kjo një mënyrë si të më lësh të qetë, por po të kërkoj të ndalosh sepse po më nervozon.
Stefano: Mendo për mua.
Sara: Po çfarë marrëdhënie, si të mendoj? Kur ti nuk di asgjë për mua. Ne nuk komunikojmë së bashku, asnjëherë. As me mesazhe, as me telefonata, nuk ka asnjë mesazh si je nga ana jonë. Përse e bën këtë?
Kjo ishte biseda e fundit mes viktimës dhe autorit, para se ai ta qëllonte me thië në fyt në stacionin e autobuzit. I fejuari i saj së bashku me familjen fdhe të afërmit e saj kanë protestuar duke kërkuar drejtësi për të. Në një mesazh lamtumire, i fejuari i saj shkroi: Lamtumirë vogëlushja ime, do të dua përgjithmonë!
Po ashtu, disa ditë më parë u gjet edhe trupi i Ilaria Sulës, brenda një valixheje hedhur në një greminë. Ish-i dashuri i saj e ka pranuar krimin duke u shprehur se e bëri këtë, pasi nuk pranoi dot ndarjen mes tyre. Ai e vrau atë në shtëpinë e tij, kur ajo shkoi për t’i kthyer disa rrobe, më pas fshehu trupin e saj të pajetë për 20 orë në banesë./ZËRI
