ROMË- Miqtë dhe fqinjët e 22-vjeçares, Ilaria Sula që u vra nga ish-i dashuri i saj në Itali kanë folur rreth kësaj ngjarje të rëndë. Ata shprehen se vajza dhe familja e saj, janë njerëz punëtorë dhe kjo ngjarje i ka tronditur.
"Një familje serioze, punëtorësh, me këmbë në tokë. Markon e takova të hënën e kaluar, ishte i buzëqeshur, më përshëndeti, nuk vura re asgjë në veçanti. U trondita, është një gjë shumë e shëmtuar dhe e trishtueshme. E paimagjinueshme. Ai është një djalë i sjellshëm, asnjëherë nuk ka shkaktuar telashe, nuk e kisha imagjinuar kurrë diçka të tillë", tha dentisti Giovanni Spanò, i cili punon pranë banesës së viktimës.
Ndërsa shoqja e viktimës, shprehet se ajo ishte një vajazë e qetë dhë shumë pozitive.
“Ilaria gjithmonë ka dashur paqe dhe harmoni mes njerëzve. Fakti se ajo u vra në një mënyrë kaq shumë të rëndë, është e dhimbshme”, ka thënë shoqja e saj.
22-vjeçarja shqiptare Ilaria Sula, e cila ishte raportuar e zhdukur prej 25 marsit në Romë, është gjetur e vdekur. Trupi i pajetë u gjet në një valixhe të hedhur në humnerë në një zonë të pyllëzuar në Poli. Shqiptarja u vra nga ish-i dashuri i saj filipinas. Ky i fundit është arrestuar nga autoritetet dhe ka pranuar edhe vrasjen./ZËRI
