VLORË – Gjykata e Vlorës ka caktuar masat e sigurisë për 7 personat, të cilët u kapën dje me 500 kilogramë drogë. Ata dyshohet se trafikonin lëndë narkotike nga vendi ynë drejt Turqisë.
Masat e sigurisë për të akuzuarit:
Idriz Meminaj, 39 vjeç, arrest me burg
Romir Meminaj, 49 vjeç, arrest me burg
Emanuel Meminaj, 22 vjeç, arrest me burg
Nertin Gjoni, 39 vjeç, arrest me burg
Xhuliano Gjoni, 30 vjeç, arrest me burg
Laurent Likaj, 37 vjeç, arrest me burg
Altin Meçi, 50 vjeç, arrest me burg
Operacioni i koduar “Reset” bëri të mundur sekuestrimin e 500 kilogramë kanabis sativa, e ndarë në 24 pako. Droga dyshohet se do të transportohej në një furgon dhe më pas, nëpërmjet rrugëve ujore, do të dërgohej në Turqi. Seanca u drejtua nga gjyqtarja Eranda Cufo dhe zgjati 90 minuta./ZËRI/
