TIRANË- Duke nisur nga data 1 korrik punonjësit e Policisë së Shtetit do të marrin më shumë para në fund të muajit. Kjo falë rritjes së pagave në bazë të gradave që kanë. Kështu, rritjen më të lartë pritet ta ketë, grada e Drejtuesit Madhor, me 36%. Kështu nga 1 Korriku një Drejtues Madhor do marrë, 190,500 lekë, 47,575 lekë më shumë se më parë.
Ndërkohë rritje të përfitojnë dhe ata efektivë që mbajnë gradat e Inspektorit, Inspektor i Parë dhe Inspektor i Dytë. Nga 1 Korriku ata do të përfitojnë deri në 34% më shumë të ardhura në fund të muajt, ose e përkthyer në vlerë, deri në 24,275 lekë më shumë se më pare.
Po ashtu rritje do të përfitojnë Nënkomisari, Komisari dhe Kryekomisari. Nga 1 Korriku, efektivët që mbajnë këto grada do të përfitojnë deri në 28% rritje paga, ose e përkthyer në vlerë, deri në 23,775 lekë. Rritje do të përfitojë dhe grada Drejtues, Drejtues i Parë dhe Drejtues i Lartë./ZËRI
