TIRANË-Pabarazitë në aksesin në punë, përparimin në karrierë dhe shpërblimet janë ende një realitet i përditshëm për gratë në Europë. Në Ditën Ndërkombëtare të Grave një hulmutim i ri zbuloi vendet të cilat ofrojnë mundësi më të mira karriere për gratë. Kombet skandinave, veçanërisht Islanda, u zbuluan se ishin liderë në nxitjen e avancimit të karrierës së femrave.
Studimi, i kryer nga ekspertë në Claims.co.uk, hulumtoi në të dhënat e hendekut gjinor me burim nga Forumi Ekonomik Botëror (WEF) për të identifikuar vendin më progresiv për punësimin e femrave. 46 vende evropiane iu nënshtruan një rishikimi të detajuar, duke marrë një rezultat total nga 100 bazuar në faktorë të tillë si të ardhurat e grave, përfaqësimi i grave në parlament dhe mundësitë për avancim në karrierë.
Shqipëria renditet e pesta me një rezultat prej 62.93 nga 100, duke udhëhequr vendet evropiane në barazinë e pagave, pavarësisht nga të ardhurat mesatare më të vogla prej 10,100 euro. Në parlament ka 35.7% përfaqësim të femrave, ku 43.8% mbajnë poste ministrore. Vendi sheh gjithashtu pjesëmarrje aktive të femrave në fuqinë punëtore (43.1%), prani të lartë të femrave tek të diplomuarit në STEM (46.7%) dhe pronësi të lartë në firma (16.9%).
Bazuar në këtë hulumtim, Islanda siguroi vendin e parë me një rezultat mbresëlënës prej 86.49 nga 100. Finlanda renditet e dyta (81.72), e ndjekur nga afër nga Norvegjia (68.97). Në dhjetë vendet e para për gratë në fuqinë punëtore janë Zvicra me 62,57, Lituania me 60,06, Irlanda me 58,17, Danimarka me 55,49 dhe Belgjika me 54,78./ZËRI
