Shpërthimi në lokal në Kamëz, në pranga 1 nga autorët

Policia ka arrestuar një 58-vjeçar në lidhje me vendosjen e eksplozivit në lokalin e marrë me qira nga Oltjon Muça në Kamëz. Vijon puna për identifikimin dhe arrestimin e personit të dytë, të përfshirë në ngjarje.

D.XH

19 Nëntor 2023, 12:27

Shpërthimi në lokal në Kamëz, në pranga 1 nga

Shperthimi ne lokal ne Kamez

KAMËZ – Një prej personave, përgjegjës për shpërthimin me tritol në një lokal në Kamëz një ditë më parë, ka rënë në prangat e policisë.

I arrestuari është shtetasi B.M, 58 vjeç, banues në Tiranë. 58-vjeçari dyshohet se është një nga personat, që ka vendosur lëndë shpërthyese në ambientet e lokalit.

“U arrestua B. M., 58 vjeç, banues në Tiranë, pasi dyshohet se është njëri nga autorët e ngjarjes së ndodhur ditën e djeshme, në një lokal në rrugën “Donald Trump”, në Kamëz, ku shpërtheu lëndë plasëse”, thuhet në njoftimin e policisë.

Një ditë më parë, më 18 nëntor, në një lokal të marrë me qira nga Oltjon Muçaj, është vendosur një sasi tritoli. Ngjarja ka ndodhur në rrugën “Donald Trump” të qytezës së Kamzës.