VLORË- Një 30-vjeçar është plagosur pas një konflikti për motive të dobëta mes disa personave në Vlorë. 30-vjeçari i plagosur ndodhet në spital nën kujdesin e mjekëve, ndërsa personat e tjerë të dyshuar të përfshirë në konflikt janë shoqëruar në komisariat. Nuk dihen detaje, nëse ishte një konflikt i momentit apo jo, teksa grupi hetimor po punon për sqarimin e ngjarjes dhe dokumentimin ligjor të saj
Njoftimi:
Vlorë/Informacion paraprak
Rreth orës 20:00, në lagjen “24 Maji”, gjatë një konflikti për motive të dobëta midis disa shtetasve, ka mbetur i dëmtuar me mjet prerës shtetasi B. S., 30 vjeç, i cili ndodhet në spital, nën kujdesin e mjekëve.
Shërbimet e Policisë kanë bërë të mundur identifikimin dhe shoqërimin e personave të dyshuar të përfshirë në këtë konflikt, në ambientet e Komisariatit të Policisë Vlorë.
Grupi hetimor vijon punën për sqarimin e ngjarjes dhe dokumentimin ligjor të saj.
