TIRANË- Në të gjitha vendet e Europës Juglindore e Ballkanit Perëndimor, kënaqësia për të jetuar është rritur dukshëm në krahasim me vitin 2016, duke reflektuar përmirësimin e të ardhurave. Por, kjo gjë nuk ka ndodhur në Shqipëri. Në raportin e fundit të tranzicionit të Bankës Europiane për Rindërtim dhe Zhvillim (BERZH), analizohen edhe banesat sipas vendeve.
Sipas të dhënave Shqipëria është një ndër vendet e Europës Jug-Lindore me më shumë banesa të reja. Rreth 35% jetonë në ndërtesa të ndërtuara pas vitit 2000. Gjithsesi eksziton një shumicë e cila jeton në ndërtesa të vjetra, ku rreth 40% e familjeve shqiptare jetojnë në banesat e ndërtuara në periudhën komuniste.
BREZH raporton se në Shqipëri më shumë se 70% e familjeve jetojnë në pallate të mëdha dhe shumica prej tyre nuk kanë menaxhim. Sipas raportit rritja e ndërtesave të reja nuk është pozitive, pasi është shkaktuar një kaos në tregun imobilar.
Gjithashtu ndonëse vendi ka pasur ndër rritjet më të larta të ekonomisë në rajon, kënaqësia për të jetuar nuk ka ndryshuar. Madje kënaqësia për të jetuar është më e ulët se në 2066-n. Sipas grafikut që shoqëron raportin, niveli i kënaqësisë së jetesës së shqiptarëve është njëlloj si në vitin 2016, ndërkohë që është dhe më e ulët se në vitin 2006, kur ka filluar matja e këtij indeksi. Madje në 2006-n, Shqipëria ishte një nga vendet që kishte kënaqësinë më të lartë të të jetuarit në rajonin e BERZH./Zëri.ai
