
TIRANË- Është tensionuar situata në protestën e opozitës te Bashkia e Tiranës, ku protestuesit kanë hedhur molotov në godinën e bashkisë. Gjatë protestës një efektiv policie ka humbur ndjenjat dhe është dërguar nga kolegët në ambulancë.
Ndërkohë që Belind Këlliçi po fliste duke hedhur akuza ndaj kryetarit të bashkisë, protestuesit kanë hedhur flakadanë dhe shashka në hyrje të bashkisë.
Njëkohësisht me Këlliçin, policia u bëri thirrje me megafon qytetarëve të ndalin hedhjen e molotovit.
Anëtarët e këshillit bashkiak të opozitës kanë kërkuar që të futen brenda ambienteve të bashkisë, por nuk janë lejuar nga forcat e policisë të cilët kanë rrethuar godinën.
Kjo është protesta e pestë që opozita zhvillon përpara Bashkisë së Tiranës, ku kërkohet dorëheqja e Erion Veliajt, pas arrestimit të disa drejtorëve të institucionit. /ZËRI