TIRANË- Prokurorët dhe gjyqtarët që kërcënohen nga krimi do të kenë dyfishim të truprojave speciale që i ruajnë. Kërcënimet kundrejt prokurores Doloreza Musabelliu dhe ish-prokurores Merita Selimi që ishin vënë në shënjestër nga grupi kriminal i Laert Haxhisë, kanë bërë që Njësia e Mbrojtjes së Veçantë të dyfishojë kapacitetet nga 49 në 103 persona.
Gjithashtu, sipas Top Channel, zyrtarët e kërcënuar do të kenë në dispozicion dhe njësinë e blinduar që njihet ndryshe si RES. Tashmë truprojat e Policisë që do të ruajnë prokurorët dhe gjyqtarët kanë detyrë të shërbejnë në të gjithë vendin dhe ky ndryshim është aprovuar me urgjencë, pasi dy prej njerëzve të drejtësisë, krimi i kërcënoi duke ju vendosur lëndë plasëse në makinë, si në rastin e Albert Kuliçit në Vlorë e Arjan Muçës në Tiranë.
Rastet e kërcënimit:
Doloreza Musabelliu, prokurorja e SPAK, u mor në mbrojtje pasi emri i saj u përmend nga i penduari i drejtësisë, Artan Tafani, si ‘shënjstër’ e Laert Haxhiut dhe grupit të tij për shkak se kishte hetuar atë vetë, si dhe ka dënuar me burg të përjetshëm Orges Biliblin dhe Anterio Kaloshin, për masakrën e vitit 2017 në Lushnjë.
Por, Musabelliu nuk ishte e vetmja. Haxhiu kishte vënë në shënjestër edhe ish-prokuroren e Lushnjës, Merita Selimi, për të njëjtën çështje. Ajo hetoi Haxhiun, Orgest Bilbilin dhe Anterio Kaloshin për masakrën e vitit 2017, por më pas shpalli moskompetencë, duke ia kaluar kaluar SPAK, e cila përfundoi në duart e Musabelliut.
Makina e prokurorit të Vlorës Albert Kuliçi u hodh në erë, pasi shpërtheu një sasi tritoli që i kishin vendosur persona që ende nuk janë identifikuar. Kuliçi kishte në hetim një sërë çeështjesh mbi tjetërsimin e pronave në bregdet. Motivi i atentatit u lidh me detyrën e tij, por atentatorët nuk janë zbuluar ende.
Të njëjtin fat pati dhe makina që përdorej nga prokurori Arjan Muça, e cila ra pre e një shpërthimi me tritol mbrëmjen 11 marsut të vitit 2021. Makina ishte në emër të bashkëshortes së tij, Gentiana Muça, e cila është gjyqtare në Gjykatën e Administrative të Tiranës. Shkaku i ngjarjes, sërish u lidh me punën që bënte dyshja në radhët e drejtësisë.
Ndiqni materialin e përgatitur nga ZËRI:
