TIRANË- Rizar Alibali, 34-vjeç është vënë në prangat e policisë së Tiranës, nën akuzën e përvetësimit të 27 mijë eurove, teksa punonte në një shoqëri financiare.
34-vjeçari ka qenë punonjës te 'Meduza Kafe', dhe mashtronte me depozitat e qytetarëve, duke shënuar vlera më të vogla, sesa ato që ata depozitonin realisht.
NJOFTIMI I POLICISË:
Sektori për Hetimin e Krimeve Ekonomike dhe Financiare, në bashkëpunim me Sektorin për Operacionet Speciale dhe Kërkimin në DVP Tiranë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, pas një pune të mirëfilltë hetimore, ka finalizuar operacionin policor të koduar "Statment".
Gjatë operacionit u ndalua shtetasi R. A., 34 vjeç, banues në Shkodër, për veprat penale "Mashtrimi", "Falsifikimi i dokumenteve" dhe "Falsifikimi i vulave, i stampave ose i formularëve".
Ky shtetas, duke qenë i punësuar në një kompani nga e cila kryente depozita të ndryshme bankare, mashtronte duke depozituar shuma më të vogla parash se shumat reale.
Nëpërmjet mashtrimit, ky shtetas ka përvetësuar 27 000 euro dhe në vendin e tij të punës, ka paraqitur dokumente (mandate) të dyshuara të falsifikuara.
Materialet i kaluan Prokurorisë.
