TIRANË- Në një kohë kur ish-deputeti i Partisë Socialiste, Arben Ndoka i ishte vënë pas atij që i dyshonte se i kishte vrarë të vëllanë, Aleksandrin, dikush po ia prishte planet. Por nuk duhet që të dilte shumë larg pragut të shtëpisë. Ishte pikërisht nipi i tij, Samuel Ndoka, gjithashtu një kontigjent krimi në Lezhë. Mesa duket ai paska nisur që të zbulojë planin për ekzekutimin e personit që dyshohet se i ka vrarë të atin. Të gjitha, aq sa dinte ia kishte treguar "Kapeles", Astrit Avdylit.
Për atë që kishte marrë vesh, Arian Tukut i ankohej Ndokës.
"Nipit si mban gjë goja, ia ka thënë "Kapeles" (i referohet Astrit Avdyli) që është duke na dhënë info Mili (Emiljano Shullazi). "Kapelja" i ka thënë Milit që janë flakë djemtë e Sandit. Nipi i paska treguar edhe Gjinit (ndoshta Gjin Ndojit/Boriçit)...tani mendimi im është ky, nipit i ka rrëshqit goja me Gjinin. Ky ka shku duke fol tek baba, te Visi (Martinaj), dhe Visi do i ketë shkrujt Milit".
Ndërkohë që Shullazi ia kishte bërë të qartë Ndokës në një bisedë tjetër që të mos i tregonte asnjë plan Ervis Martinajt, pasi kishte frikë se do t'ua prishte planin. Ndoka vërtetë nuk i ka treguar Martinajt, por mesa duket nipi i tij pa dashje ka folur dhe ka treguar gjithë çfarë ka ditur./ZËRI
