TIRANË- Marrëveshja për ngritjen e dy kampeve të refugjatëve në Shqipëri, do të kalojë në Kuvend brenda këtij viti. Kampet do të ngrihen në Gjadër dhe në Shëngjin, ndërkohë që VKM e qeverisë Rama, është futur në rendin e ditës në Komisionin e Ligjeve.
Në foto e mëposhtme, ku është kalendari i punimeve që pritet të miratohet nga Konferenca e Kryetarëve, kjo marrëveshje pritet të diskutohet në Komisionin e Ligjeve dhe më pas në Kuvend për shqyrtim.
Marrëveshja Shqipëri-Itali do të shqyrtohet brenda datës 22 dhjetor, që do të jetë dhe seanca e fundit përpara festive të fundvitit. Në Shqipëri pritet që të qëndrojnë rreth 3 mijë emigrantë, në pritje të miratimit apo jo të kërkesës së tyre nga Italia.
Marrëveshja që u nënshkrua mes Ramës dhe Melonit është pritur me skepticizëm brenda dhe jashtë vendit, ndërkohë që BE është skeptike se zbatimi i saj do të sillte kërkesa zinxhir dhe nga shtetet e tjera.
/Zëri.ai
