TIRANË- Ortakëria mes Ermal Kurtulajt dhe Ilir Beqajt nuk ka qenë aq e vështirë për t'u zbuluar nga ana e Strukturës së Posaçme kundër Korrupsionit dhe Krimit të Organizuar. SPAK i kishte shenjat aty, në arkivën e të gjithë botës, në rrjetet sociale. Më konkretisht në rrjetin "Twitter", ose i njohur tashmë me emrin e ri "X". Në këtë rrjet social, në kohën kur Beqaj ishte ende aktiv në politikë. Çdo postim i bërë nga Beqaj, nga 2017, por edhe më herët është ripostuar nga Kurtulaj.
Sipas SPAK, lidhja mes Ermal Kurtulaj dhe e Beqajt, sipas SPAK, ka nisur para shumë vitesh, që në kohën kur ish-ministri ka qenë ortak i shoqërisë "Intech+". Miqësia ka vazhduar, por detaji më i dukshëm ka qenë mjeti që përdorte Kurtulaj. Makina, e cila është parë nga hetuesit e SPAK në media, ishte në pronësi të Kurtulaj. Por me të shkonte Beqaj në SPAK. Madje bënte dhe shumë udhëtime si brenda, ashtu dhe jashtë vendit.
Por edhe me postimet duket se nuk e kanë marrë shumë seriozisht fshehjen e ortakërisë së bashku, ose të paktën nuk kanë menduar që SPAK do të binte ndonjëherë në gjurmët e tyre.
ZËRI ka zbardhur dosjen e plotë të ish-ministrit të Shëndetësisë Ilir Beqaj në Prokurorinë e Posaçme Kundër Korrupsionit dhe Krimit të Organizuar. Në dosjen e Prokurorisë evidentohet takimet që Ermal Kurtulaj ka zhvilluar me qëllim lëshimin e faturave fiktive. Po ashu faktohet dhe njohja e vjetër që Kurtulaj ka pasur me ish-ministrin. Në një rast të evidentuar nga SPAK, Kurtulaj frynte vlerën e shpenzimeve të eventeve ku përfshihej dhe SASPAC, pjesë e grupit negociator të së cilës ishte dhe Beqaj me qëllim pastrimin e parave./ZËRI
