TIRANË- Një deklaratë publike, e ka vendosur nën hetim avokaten e njohur Adriana Kalanë. Juristja, ish-kandidate për Bashkinë e Tiranës nga radhët e Partisë Demokratike, tani do të hetohet nga Prokuroria, për shkak një kërcënimi publik që ka bërë ndaj kryeministrit Edi Rama. Ditën e djeshme në protestën e opozitës përballë Bashkisë së Tiranës, ajo iu referua një fotoje të publikuar nga mediat, teksa ajo bën qitje në poligon.
"Ju e dini se mua nuk më lodh as mikrofoni, as pistoleta. Jam këtu për t’i thënë ndokujt, mjaft u more me foton time me pistoletë sepse kam një foto më të bukur ku unë pistoletën e kam vënë në kokë të Edi Ramës,"-tha Kalaja.
E pikërisht për këtë deklaratë që ka bërë, Policia ka nisur hetimet për kanosje për shkak të detyrës ndaj kryeministrit Edi Rama./ZËRI
