TIRANË- Ismail Zeneli, një prej të akuzuarve për trafik ndërkombëtar droge ka rrëfyer një episod përplasjeje me efektivë të policisë që kanë dalë gjithashtu në përgjime. Në bisedën e zbardhur nga ZËRI që siguroi ekskluzivisht dosjen voluminoze, vihet re dhe një bisedë me tone tensioni mes Ajetit dhe një tjetër personi të identifikuar si Bashkim Sadria. Bëhet fjalë për një episod ku një ngarkesë pritej të futej në Shqipëri, por është bllokuar në doganë.
Në një tjetër episod që është pjesë e dosjes, thuhet nga SPAK se Bujar Ajeti ka kërcënuar një punonjës të SHISH, që dyshonte se e kishte spiunuar. Ajeti është betuar se punonjësi i SHISH ‘I kishte hyrë në hak’.
Pjesë nga dosja:
Me datë 19.09.2020 në orën 12:09:51, Ismail Zeneli kontakton Ç4RE2 dhe e njofton që aparatet telefonik të kriptuar me CHIPHR kanë mbërritur në Tiranë dhe janë në regjim doganor, bashkëlidhur i dërgon edhe fotografi të mandatit të dërgesës me postë ku marrës është Bashkim Sadria.
Shtetasi Ismail Zeneli: Mik si të kam nuk të kam than gjo se tu prit ha sot ha neser per tel…I ka bllokue dogana mik…E per at pune…Smund te kam than gjo…Jan ne shipni o mik po i ka majt dogana…
Në orën 16:31:56, Ç4RE2 komunikon me përdoruesin V40G80 duke i dërguar mesazh zanor dhe i tregon rreth një ngjarje që ka ndodhur këtë ditë, ku shtetasi Bujar Ajeit ka ndaluar funksionar të agjencive ligjzbatuese dhe i ka kërcënuar.
Isamil Zeneli: Erdh ai Luani po pra, për kry të fëmijëve i thash ti ** fmi e ça ke do ta thej ka pak e kreve i thash, rob**r, e ke bo i dom i thash e di mirë ku e ke bo i thash po mos kujto se, jo unë kam letra për amerikë tha, mi gëzosh ato letra thash deri atëherë ku i dihet thash…….qe kon ai Luan Elezi i Shikut me to, atëherë gjasme kishte hap kofanon sikur po ishte tu i shit makinën me i hotel ai Luani, i thash hë më ça bone u lodhe a mirë, aaa ça je tu bo i tash, hiç vlla ja kena kohë, po ti prej ka je më i them ktyne, mos prej Tirane, thash o Luan po çdeshe kshu motër**mash ti, se kam për të ja u ** gratë thuj i ash, o ai u çu, o ti ** motrën tash mos e hap gojën hiç thash, s’lash gjo pa i thon rob**ra thash….”.
V40G80 i kthen audiomesazh në orën 16:34:11: me kë ke, me Lulin, pate Lulin me vete ëë…?”
Lidhur me kete episod, veprimet e shtetasit Bujar Ajeti pershkruhen edhe nga shtetasi Nuredin Dumani në deklarimin e dates 17.10.2023.
Erzen Breçani, ish-drejtues policie, dhe njëherësh ish-kandidat për deputet nga radhët e Partisë Demokratike, u arrestua të hënën në kuadër të goditjes së një grupi kriminal, i cili trafikonte sasi të mëdha kokaine nga vendet e Amerikës Latine, por edhe kishte kryer dhe organizuar plane për eleminimin fizik të disa personave. Në dosjen e SPAK, Breçani evidentohet në disa episode, fillimisht për lidhjen e tij familjare me Ervin Matën, motrën e të cilit e kishte nusen e djalit të tij, por edhe për shoqërinë me të fortin e Kukësit Bujar Germizi (Ajeti). Djali i Erzen Breçanit, Eralbi Breçani dhe Ervin Mata janë në kërkim nga SPAK, por ende autoritetet nuk kanë rënë në gjurmët e tyre. Në kërkim është shpallur dhe Ismail Zeneli. Ndërkohë ditën e nesërme pritet që të dalin para gjykatës Erzen Bercani, Besmir Murati, Dedan Gjoni dhe Bujar Ajeti./Zëri.ai
