ITALI- Detaje të reja janë zbardhur nga ekzekutimi i Klaudio Myrtaj në Itali, 34 vjeçarit shqiptar që u qëllua me armë zjarri në kokë pasditen e së shtunës në Cuneo. Autori i ngjarjes, që është kapur nga kamerat e sigurisë, ka pritur sa të largohet pronari nga zdrukthtaria për të kryer krimin.
Ngjarja deri më tani, nga hetimet italiane, lidhet me një motiv xhelozie. Policia po merr në pyetje disa persona, mes të cilëve edhe e dashura e shqiptarit. Drejtuesi i laboratorit deklaroi se pasditen e djeshme ka shkuar për të marrë benzinë me traktorin e tij dhe kur është kthyer në oborr, ka qenë një klient që ka gjetur shqiptarin duke vdekur dhe ka ngritur alarmin.
Autori dyshohet të ketë përdorur një silenciator pasi askush nuk ka të dëgjuar të shtëna aty pranë.
-
Vritet me plumb në kokë shqiptari në Itali
5 Nëntor, 17:39
