TIRANË- Qytetarët shqiptarë janë mobilizuar në komente të videove të nxjerra nga ZËRI nga dokumentari i "Narcotaxi". Pasi kanë parë materialin e përgatitur nga stafi i ZËRI-t, qytetarët kanë lënë denoncimet e tyre për raste të ngjashme, por edhe për vetë taksitë. Në shumë komente kanë ngritur dyshime se trafikantët e drogës, por edhe taksistët e lidhur me të, vazhdojnë aktivitetin në bashkëpunim me Policinë e Shtetit.
DENONCIMET NË KOMENTE:
-(Për Policinë) Janë bashkëpunëtorë, marrin rrogë
-Ata thjesht i ndihmojnë që të gjejnë po ec e kapni kamarierët, ec kapni faturino, ec kapni tabakinot që të gjithë të ndihmojnë të gjesh kokainë.
-Merr taksi, fjala e parë, a do femër me kalu një natë të nxehtë?
-Ju mendoni që pronarët e kompanive se dinë ç'bëjnë shoferët e tyre, në realitet janë pronarët, shoferat janë dillerat
-Shikoni në Lezhë, ca taksi me emrin E** se të njëjtën punë bëjnë
-Të bëhet e njëjtë gjë për punonjësit e Policisë, po nuk dolën më llum se këto
-Bëni dhe një investigim për ligjin anti-duhan. Nuk po e rruan më askush. Pihet duhan në të gjitha lokalet.
-Llum taksish që nuk dinë as të trajtojnë klientin siç duhet. Shteti dhe Policia shqiptare të marrin masa ndaj kompanive dhe sjelljeve në taksi.
Por jo vetëm kaq.
Ka edhe qytetarë të tjerë që kanë raportuar se mjetet e "LuxTaxi" i kanë bllokuar disa herë parkingun në lagje, duke e bërë të pamundur kalimin e tyre. Edhe pse e kanë denoncuar disa herë, nga instancat përkatëse nuk kanë pasur asnjëherë asnjë reagim. Pavarësisht se dhjetra denoncime kanë mbërritur tashmë në redaksi, ZëRI është gjithmonë i hapur për të shqyrtuar edhe denoncime të tjera./ZËRI
