TIRANË – Të tjera detaje kanë dalë në dritë nga dosja, e 9 viteve më parë, ku Altin Çoku, personazhi i Tok Tokut, kërcënoi me jetë mjekun e tij psikiatër, G.S, duke i kërkuar atij para. Çoku ka qenë pacient i G.S, që ishte mjek neuro-psikiatër pranë Spitalit të Laçit, ndërsa i akuzuari kishte probleme shëndetësore. Sipas dosjes, Altin Çoku i ka kërkuar mjekut G.S disa herë para, në mënyrë verbale, me anë të telefonit, mesazheve në celuar dhe letrave të shkruara.
Në mesazhet kërcënuese, Altini i thotë mjekut se nëse nuk do t’i japë para, do të kontaktonte me drejtorin e spitalit, në mënyrë që të pushohej nga puna. Llesh Ndoci, që rezulton se ka qenë drejtori i spitalit në vitin 2014, ka thënë në atë kohë se i ka shkuar në zyrë mjekut neuro-psikiatër G.S dhe ai i ka thënë se e shqetësonte Altin Çoku, raporton Tch. Ai ka deklaruar se e ka thirrur Altinin dhe e ka ballafaquar, pasi personazhi i Tik Tok pretendonte se doktori nuk i shërbente me ilaçe dhe me receta.
-
Altin Çoku: Foton intime s'e nxorra unë
15 Shkurt, 18:56 -
-
-
Pjesë nga dosja
“Procesverbal “Për marrjen e të dhënave nga personi që ka dijeni për veprën penale”, datë 27.11.2014 i shtetasit Llesh Ndoci i cili, në kushtet e gjykimit të shkurtuar, ka vlerën e dëshmisë së dhënë para gjykatës, nga i cili rezulton se ka deklaruar:…… “Gjatë kohës që unë kam qenë drejtor spitali, në periudhën Maj-Qershor 2014, më ka ardhur në zyrë neuro-psikiatri G.S dhe më ka thënë se e shqetësonte një njeri. Me vështirësi më ka treguar se personi që e shqetësonte ishte shtetasi Altin Çoku. Mesa duket e shqetësonte për disa receta dhe ilaçe…..Unë e kam thirrur Altin Çokun dhe i kam ballafaquar. Altini pretendonte se G. nuk i shërbente me ilaçe dhe receta. Doktor G. nuk më tha se i bëhej presion për ndonjë arsye tjetër. I thashë këtij të fundit se për çdo problem që do të kishte do të vinte të më informonte. Pas këtij rasti mua nuk më ka paraqitur asnjë problem……. më vonë nga njerëz të ndryshëm kam marrë vesh se Altini i ka marr lekë doktor G.S./ZËRI/
