DURRËS- Një aksident me pasojë vdekjen ka ndodhur sot në lagjen 13 të qytetit të Durrësit, me pasojë vdekjen e një këmbësori. Ndërkohë që drejtuesi i ‘Benzit’ ka braktisur mjetin, dhe është larguar nga vendi i ngjarjes, ndërsa policia thotë se po punohet për identifikimin dhe kapjen e tij. Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit.
NJOFTIMI I POLICISË:
Rreth orës 11:30, në lagjen 13, Durrës, një automjet tip Benz ka aksidentuar shtetasin Z. K., rreth 78 vjeç, këmbësor. Si pasojë e përplasjes shtetasi Z.K, ka humbur jetën.
Drejtuesi i automjetit është larguar nga vendi i ngjarjes dhe vijon puna intensive për identifikimin dhe kapjen e tij.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit.
