ITALI- Një hematomë e madhe, një plagë që i atribuohet një goditjeje të marrë në harkun e vetullës së majtë, nga një grusht apo ndonjë send (e para ka më shumë gjasa)... një goditje tjetër në sy, një në buzë me një lloj plage dhe gërvishtje të vogla në qafë, jo nga mbytja, por nga një goditje me thikë, plus lëndimet e shumta, tregojnë se Ilaria Sula është dhunuar përpara se të vritej. Ajo gjithashtu kishte shenja në parakrahun e saj të djathtë dhe të majtë, nga një përpjekje për të mbrojtur veten.
Gënjeshtrat e Markut
Në fund të kësaj liste të gjatë të të dhënave të para të autopsisë, prokurorja Maria Perna i drejton Mark Samsonit pyetjen që mund të rishkruajë të gjithë dinamikën e vrasjes së Ilaria Sulës, shumë përtej gënjeshtrave dhe provave në këtë kuptim që kanë dalë tashmë nga hetimet. Samson tregoi me qetësi dhe gjakftohtësi aktin e femicidit që ka kryer: I dhashë dy goditje me thikë nga pas, me thikën që kishim përdorur për të prerë mortadelën. Ilaria nuk kuptoi asgjë, bërtiti pak. Vdiq menjëherë!
Në atë moment gjyqtarja e pyet Samsonin: Pra, ajo vdiq menjëherë?; ndërsa Samson iu përgjigj: Vdiq menjëherë! Gjyqtarja vazhdoi me një tjetër pyetje: Më pas, ti gjendesh me trupin e Ilarias në dhomën tënde pa jetë, në orën 11 të mëngjesit të datës 26 mars. Çfarë bëre?
Autori u përgjigj: E vendosa në dy thasë, që kisha në kuzhinë. Dalëngadalë po kuptoja çfarë kisha bërë dhe se ishte një problem më i madh se vetja. Atëherë më kujtohet një shprehje që më tha gjyshi im para se të vdiste: ‘Për gjithçka ka një zgjidhje, përveç të vdekurve’. E fsheha brenda një valixheje. Kontrollova nëse ishte gjallë, por kishte vdekur. Pastaj mbeta aty i ngrirë dhe i traumatizuar për atë që kisha bërë. Ndihesha bosh. Atëherë vendosa ta fsheh brenda një valixheje që gjeta në dhomën e prindërve të mi. Më pas e nxora nga dhoma ime (në korridor), pasi e kisha mbështjellë me dy thasë të tjerë, një mbi kokën e valixhes dhe tjetrin te këmbët.
23-vjeçari thotë se e humbi mendjen nga mesazhet eksplicite që Ilaria po shkëmbente me një djalë tjetër dhe që ajo ia kishte treguar vetë me qetësi. Por Samsoni kishte gënjyer tashmë për karrierën e tij universitare, duke i fshehur Ilarias se ishte gati të linte shkollën e Arkitekturës ku kishte dhënë vetëm një provim në tre vjet.
Por kjo nuk është e gjitha, pasi duke rindërtuar ato momente tensioni të supozuar, Marku, në të njëjtën marrje në pyetje për të vërtetuar arrestimin para gjyqtarit hetues, shfaqet i rezervuar në një aspekt tjetër që do të përkeqësonte tablonë tashmë shumë të rëndë të akuzave. "A keni pasur marrëdhënie seksuale?" Pyetet dhe nuk përgjigjet. Prokurori përpiqet të anashkalojë heshtjen, duke vënë në dyshim faktin se mund të ketë abuzuar me të.
"Nëse është e vërtetë që ajo ka ndalur të flejë në shtëpinë tuaj, pse nuk doni të përgjigjeni për pyetjen e marrëdhënieve seksuale?"
Gjyqtari gjithashtu e paralajmëron se gjithsesi të dhënat do të dalin nga autopsia, por ai përsërit se ka thënë të vërtetën. Pika tjetër për të cilën ai kishte zgjedhur të heshtë ishte prania e nënës së tij në shtëpi, por kjo gënjeshtër tashmë është shembur me pranimin e gruas se e kishte ndihmuar të pastronte.
