TIRANË- Protesta në kryeqytet është shtrirë në disa zona, ndërsa tensionet janë zhvendosur edhe drejt sheshit 'Skënderbej'ku policia ka përdorur gaz lotsjellës për të shpërndarë protestuesit.
Një grup qytetarësh është afruar pranë godinës së Bashkisë së Tiranës, ku një prej protestuesve është ngjitur në pjesën e dritareve të ndërtesës.
View this post on Instagram
Ndërkoh grupe të tjera protestuesish janë mbledhur në lulishten e sheshit 'Skënderbej' dhe pranë Drejtorisë së Përgjithshme të Policisë. Incidente janë regjistruar edhe pranë Ministrisë së Brendshme, e cila është goditur me gurë.
Tensionet kanë vijuar edhe në zonën e 'Urës së Bllokut' ku protestuesit u kanë vënë flakën koshave të mbeturinave në të dy anët e rrugës. Disa prej koshave janë përmbysur, duke penguar qarkullimin.
Situata në kryeqytet vijon të mbetet e tensionuar me protestuesit të shpërndarë në disa pika të Tiranës dhe ndërhyrjen e policisë për të përballuar incidentet./ZËRI
