DURRËS-Dy persona janë arrestuar lidhur me ngjarjen e një dite më parë (25 dhjetor) në Durrës, ku një person u godit me sende të forta, ndërsa pati edhe të shtëna me armë zjarri në ajër. Në pranga është vendosur 29-vjeçari, i cili gjatë konfliktit qëlloi me armë gjahu në ajër, me qëllim kanosjen dhe një 26-vjeçar, njëkohësisht administratori i lokalit. Në kërkim është shpallur edhe kushëriri i administratorit, ku gjatë këtij konflikti, goditën me sende të forta 29-vjeçarin.
Ngjarja ndodhi brenda një lokali, ku të rinjtë janë konfliktuar me njëri-tjetrin dhe në një moment, njëri prej tyre ka qëlluar me ajër me armë gjahu, por fatmirësisht nuk pati të lënduar.
Njoftimi i policisë:
Durrës/Vijojnë hetimet për të zbardhur rrethanat e konfliktit për motive të dobëta, të ndodhur pasditen e djeshme, në lagjen nr. 15. Vihet në pranga 29-vjeçari që gjatë konfliktit, qëlloi me armë gjahu në ajër, me qëllim kanosjen. Ai u kap dhe u shoqërua nga Policia, menjëherë pas rastit.
Sekuestrohet arma e gjahut, e cila posedohej pa leje. Vihet në pranga një 26-vjeçar dhe shpallet në kërkim kushëriri i tij, sepse gjatë konfliktit, goditën me sende të forta 29-vjeçarin.
Si rezultat i veprimeve hetimore dhe procedurale, të kryera menjëherë pas konfliktit, u arrestuan në flagrancë shtetasit K. D., 29 vjeç dhe P. P., 26 vjeç, të dy banues në Durrës. Gjithashtu, u shpall në kërkim kushëriri i shtetasit P. P., shtetasi D. P., 35 vjeç, banues në Durrës.
Shtetasi P. P. dhe D. P., dyshohet se për motive të dobëta, kanë goditur me sende të forta, 29-vjeçarin, në lokalin që administronte shtetasi P. P.. Më pas dyshohet se duke qenë në gjendje të dehur, shtetasi K. D. ka shkuar në banesën e tij, ku mbante pa leje, një armë gjahu, me të cilën ka qëlluar në ajër, me qëllim kanosjen e 2 shtetasve.
Punohet për kapjen dhe ndalimin e shtetasit D. P..
Materialet procedurale i kaluan Prokurorisë së Durërsit, për veprime të mëtejshme.
