GREQI-Paniku dhe ankthi është përhapur në ishullin e Santorinit në Greqi! Rreth 11,000 banorë kanë braktisur vendin dhe kanë lënë shtëpitë e tyre të mbyllura. Por në vendin ku toka nuk pushon së dridhuri, disa zgjodhën të qëndronin, mes tyre edhe 20-vjeçraja shqiptare. Xheni Baja, 20 vjeç, punon si recepsioniste në De Sol, dimër dhe verë. Ajo kishte dy zgjedhje të largohej ose në Athinë ose në atdheun e saj në Shqipëri.
'Në fillim situata nuk ishte aq shqetësuese, as që më shkoi në mendje të largohesha. Por tani, kur gjërat bëhen të vështira, më duhet ta mendoj. Jam mësuar me tërmetet,"-shprehet ajo për Protothema.
Të afërmit e saj tashmë janë larguar nga ishulli, por për momentin ajo nuk po mendon t’i ndjekë. Për të, jeta në Santorini vazhdon, edhe nëse toka nën këmbët e saj refuzon të qëndrojë në vend.
Antonis Koronios, 74 vjeç, është një nga ata që nuk menduan për asnjë moment largimin nga Santorini. I lindur dhe i rritur në ishull, ai nuk ka frikë nga tërmetet. Edhe Sofia Athanasiadou, e cila jeton dhe punon në Santorini për 21 vitet e fundit ka vendosur të qëndrojë në ishull. Edhe pse ajo vetë qëndron në ishull, ajo i dërgoi dje me avion në Athinë fëmijët e saj 13 dhe 14 vjeç, te miqtë e familjes, për një siguri më të madhe.
Sizmiologët janë shprehur se ishulli në detin Egje mund të goditet nga një tërmet me magnitudë 6 rihter, ku i kërkuan banorëe të bëjnë kujdes. Shumë banorë janë larguar nga ishulli gjatë ditës së djeshme, ndërsa të tjerë janë evakuuar dhe strehuar në disa zona, të cilat janë ngritur nga autoritetet. Lëkundjet e tërmet janë përhapur edhe në Turqi, me autoritetet vendase që iu kërkuan banorëve në Bodrum, Mugla dhe Aydin të jenë në gatishmëri, pasi po rritet rrezik për një cunami. Deri më tani në Santorini janë raportuar vetëm dëme materiale, fatmirësisht askush nuk është lënduar./ZËRI
