TIRANË- Prokuroria e Posaçme Kundër Korrupsionit dhe Krimit të Organizuar ka sekuestruar dosjet e dy gjyqtarëve në Gjykatën e Tiranës. Weblajm shkruan se dosjet janë tërhequr nga arkiva për gjyqtarin e identifikuar me iniciale B.Q dhe nga zyra e një gjyqtari në detyrë. Deri më tani raportohet se nën hetim janë vendosur dy prokurorë të tiranës dhe oficeri i policisë gjyqësore i identifikuar me iniciale B.M.
WebLajm.com ka mundur të lexojë përmbajtien e vendimit të ekzekutuar tashmë nga BKH dhe Policia dhe rezulton se këta shtetas në bashkëpunim me një avokat të arrestuar, Bardh Koçi (që u raportua më herët nga SPAK) dhe laborantin e kriminalistikës, kryenin ekspertiza duke manipuluar provat dhe favorizonin të arrestuar në përballje ke drejtësinë.
Ushtrimi i ndikimit është provuar në 3 raste të shpërdorimit të detyrës. Hetimet vijojnë për veprën penale të korrupsionit të magjistratëve. Tashmë, Prokuroria e Posaçme ka në dorë edhe telefonat e sekuestruar.
