TIRANË-Qytetarët janë mbledhur sërish në Tiranë, në protestën e pestë radhazi kundër ndërtimit të resortit në Zvërnec. Me flamuj dhe pankarta në duar, ata janë mbledhur për të vijuar marshimin drejt Kryeministrisë. Numri i qytetarëve shihet të jetë më i madh ku veç atyre në shesh, shumë të tjerë po presin në anët e bulevardit për t'u bërë bashkë.
'Porsi ne Shipëria do të jetë e re', 'Shqipëria e shqiptarëve, vdekje tradhëtarëve', 'Rama në burg, Berisha në burg'-janë disa nga mesazhet në pankartat e qytetarëve.
“Nuk ka dialog, vetëm dorëheqje!”, “Zvërneci nuk preket!” dhe “Revolucion!” ishin disa nga thirrjet dhe brohorimat që u dëgjuan nga protestuesit gjatë grumbullimit në qendër të Tiranës.
Edhe sot qytetarët kanë paraqitur 5 kërkesat e tyre ndaj qeverisë, që janë bashkuar në mbrojtje të lirisë dhe interesit kombëtar.
1-dorëheqjen e qeverisë
2-Shfyqizimin e statusit dhe kuadrit ligjor që lidhet me investitorët strategjikë!
3-shfryqizimin e Paketë së Maleve
4-Anulimin e ndryshimeve në ligjin për zonat e mbrojtura
5-Anulimin e ndryshimin për trashëgiminë kulturore shqiptare
Marshimi ka nisur me parullën e madhe: Studentët nuk harrojnë.
