TIRANË- Vazhdojnë denoncimet lidhur me spitalin Onkologjik. Edhe sot, gazetari Osman Stafa ka denoncuar se prej 1 muaji në spital, pacientët që vuajnë nga kanceri i gjirit nuk kanë marrë dozat e nevojshme të kimioterapisë. Edhe pse jemi në muajin e ndërgjegjësimit për kancerin e gjirit, në spital për këta pacientë nuk ka ilaçe. Sipas gazetarit, mjekët e Onkologjikut po përdorin një skemë për të manipuluar dhe fshehur mungesën e kimiove. Ai tregon se mjekët po iu deklarojnë pacientëve se kanë marrë një urdhër informal që mos të japin asnjë trajtim “phesgo”, por t’i trajtojnë me trastuzumab (herceptinë).
Gazetari shton më tej se është e provuar klinikisht se përgjigjia që jep “phesgo” tek kanceri i gjirit, është më e mirë se sa herceptina. Por që ilaçi të mos quhet në mungesë, në farmacinë e spitalit i kanë lënë dy flakonë, por askush nuk i përdor dot. Po sipas gazetarit Stafa, në këtë skemë janë përfshirë, mjekët onkologë, përgjegjësi i njësisë, Bledi Kreka, Shefja e Shërbimit Silvana Çeliku dhe Drejtoresha e Farmacisë Qendrore Mirela Rexhepi.
"Është e provuar klinikisht se përgjigjia që jep phesgo tek kanceri i gjirit, është më e mirë sesa herceptina. Dhe trajtimi sipas protokollit është: phesgo 1200/600, e pastaj kalohet në phesgo 600/600. Dhe mjekët e Onkologjikut, prej një muaji nuk kanë kërkuar asnjë trajtim me phesgo 1200/600, për pacientë të rinj. Duke qënë se phesgo 1200/600 nuk ka, mjekët me urdhër nuk japin një trajtim të tillë, për nënat, gratë, vajzat që vuajnë nga kanceri i gjirit. Dhe ndërkohë që phesgo të mos quhet mungesë, mjekët tregojnë se në magazinën e Farmacisë së QSUNT, kanë lënë 2 flakonë phesgo, që mos të dalë në sistem që nuk ka. Dhe këto 2 flakonë qëndrojnë aty të palëvizur prej më shumë se 1 muaji,"-shkruan gazetari.
DENONCIMI I PLOTË:
ONKOLOGJIK/SKEMA QË PO PËRDORET PËR TË FSHEHUR MUNGESËN E KIMIOVE. E PËSOJNË PACIENTËT ME KANCER GJIRI.
Prej disa ditësh në Onkologjik nuk ka pasur mungesë kimiosh. Mendova, më në fund. Por sot më tregojnë një skemë që po përdorin mjekët, për të manipuluar dhe fshehur mungesën e kimiove. DHE KJO PO NDODH PËR NJË KIMIO QË SHËRBEN PËR TRAJTIMIN E KANCERIT TË GJIRIT. NGA NJËRA ANË BËJNË RETORIKË PËR KONTROLLE NË KUADËR TË TETORIT ROZË, NGA ANA TJETËR S'KA KIMIO (PHESGO).
Në këtë skemë janë përfshirë, mjekët onkologë, përgjegjësi i njësisë, Bledi Kreka, Shefja e Shërbimit Silvana Çeliku dhe Drejtoresha e Farmacisë Qëndrore Mirela Rexhepi.
Çfarë ka ndodhur?
Ka më shumë se një muaj që nuk japin asnjë Phesgo (kimio), për pacientë që vuajnë nga kanceri i gjirit. Është e pamundur kjo të ndodhë, thonë vetë mjekë të Onkologjikut. Madje sipas tyre ka shumë pacientë të rinj të diagnostikuar muajin e fundit me kancer të gjirit. Vetë mjekët flasin për një urdhër informal të dhënë nga drejtues të atij spitali mjekëve, duke u kërkuar që mos të japin asnjë trajtim phesgo, por t'i trajtojnë me trastuzumab(herceptinë). Është e provuar klinikisht se përgjigjia që jep phesgo tek kanceri i gjirit, është më e mirë sesa herceptina. Dhe trajtimi sipas protokollit është: phesgo 1200/600, e pastaj kalohet në phesgo 600/600. Dhe mjekët e Onkologjikut, prej një muaji nuk kanë kërkuar asnjë trajtim me phesgo 1200/600, për pacientë të rinj. Duke qënë se phesgo 1200/600 nuk ka, mjekët me urdhër nuk japin një trajtim të tillë, për nënat, gratë, vajzat që vuajnë nga kanceri i gjirit. Dhe ndërkohë që phesgo të mos quhet mungesë, mjekët tregojnë se në magazinën e Farmacisë së QSUNT, kanë lënë 2 flakonë phesgo, që mos të dalë në sistem që nuk ka. Dhe këto 2 flakonë qëndrojnë aty të palëvizur prej më shumë se 1 muaji e gjys. Kjo sjellje e bluzave të bardha të Onkologjikut është më shumë se e shëmtuar. Nuk fshihet mungesa e medikamenteve me skema të tilla. Mjekët po bëjnë gabimin më të madh, që po bëhen pjesë e kësaj skeme të shëmtuar. Është e turpshme dhe jo në nderin e tyre. Ta dijë çdokush se me skema të tilla nuk do të shpëtoj njeri. Metastazat e kancerit të Onkologjikut, janë shpërndarë aq shumë saqë për atë intitucion nuk do të ketë më shpëtim!!!/ZËRI
