FIER- Pesë persona janë ndaluar në lidhje me ngjarjen e ndodhur më 30 mars, ku një lokal në bregdetin e Darzezës u përfshi nga flakët. Ndërkohë në lidhje me ngjarjen, në kërkim është shpallur edhe një 19-vjeçar, të gjithë të dyshuar si autorë të zjarrit. Lokali i ndërtuar me materiale druri u shkrumbua totalisht.
-
Digjet një lokal në bregdetin e Darzezës
30 Mars, 19:45
Njoftimi i policisë:
Në vijim të informacionit të dhënë më datë 30.03.2025, mbi djegien e një lokali në plazhin e Darëzezës, informojmë se në vijim të veprimeve hetimore dhe operacionale në lidhje me rastin, u ndaluan shtetasit A. T., 23 vjeç, E. M., 20 vjeç, A. S., 20 vjeç, E. L., 19 vjeç dhe D. L., 19 vjeç, të pestë banues në Fier, si dhe u shpall në kërkim shtetasi A. R., 19 vjeç, pasi dyshohen si autorë të këtij rasti.
Vijon puna për kapjen e shtetasit A. R., si dhe në drejtimin e Prokurorisë, po kryhen hetime për të individualizuar përgjegjësinë penale të secilit prej këtyre shtetasve, si dhe për të dokumentuar shkakun e zjarrit.
Materialet procedurale iu referuan Prokurorisë së Fierit, për veprën penale “Shkatërrimi i pronës me zjarr”, kryer në bashkëpunim./ZËRI
