KARDHIQ- Një autobus ka shpërthyer në flakë sapo ka dalë nga tuneli i Kardhiqit. Siç duket edhe nga pamjet, flakët kanë shkrumbuar totalisht të gjithë autobusin brenda të cilit kishte edhe pasagjerë. Këta të fundit po udhëtonin nga Gjirokastra në Sarandë, por kanë shpëtuar mrekullisht nga flakët që përfshinë mjetin e transportit.
Të gjithë kanë mundur që të dalin në kohë dhe janë në gjendje të mirë shëndetësore.
Ndërkohë që shtëllungë e madhe tymi ka mbuluar të gjithë zonën, kjo se përveç autobusit janë djegur edhe sendet personale të pasagjerëve. Shkak i flakëve dyshohet se është bërë një shkëndijë elektrike, megjithatë ky version ende nuk është zyrtar nga Policia e Shtetit.
Delvinë/Informacion paraprak
Sot, rreth orës 11:40, pranë tunelit të Skërficës, dyshohet se, si pasojë e një defekti në motor, ka marrë flakë në ecje një autobus me udhëtarë, i linjës Sarandë-Tiranë, me drejtues shtetasin G. A. Si pasojë, janë shkaktuar vetëm dëme materiale dhe nuk ka persona të dëmtuar. Grupi hetimor ndodhet në vendngjarje dhe po punon për zbardhjen e plotë të rrethanave të rastit./ZËRI
