VLORË- Pasditen e kësaj të enjteje, një 17-vjeçar ka mbetur i plagosur gjatë një aksidenti me mjet lundrues në Vlorë. I plagosuri është identifikuar si Santiago Çerçizi.
Sipas njoftimit të policisë, 17-vjeçari ndodhej pasagjer në mjetin lundrues, i cili drejtohej nga një 32-vjeçar. Gjatë lundrimit nga Gadishulli i Karaburunit drejt molit në Vlorë, dyshohet se i riu ka rrëshqitur dhe ka rënë në pjesën e motorit të mjetit.
Si pasojë e goditjes, ai ka pësuar dëmtime në pjesën e këmbëve dhe është transportuar me ambulancë drejt Spitalit Rajonal të Vlorës, ku ndodhet nën kujdesin e mjekëve.
Njoftimi i policisë:
Vlorë/Informacion paraprak
Rreth orës 16:50, një mjet lundrues, me drejtues shtetasin E. I., 32 vjeç, ka qenë duke lundruar nga Gadishulli i Karaburunit në drejtim të molit në Vlorë.
Gjatë lundrimit, njëri prej pasagjerëve, shtetasi S. Ç., 17 vjeç, dyshohet se ka rrëshqitur dhe ka rënë në pjesën e motorit të mjetit lundrues, si pasojë e së cilës ka pësuar dëmtime në pjesën e këmbëve.
Shtetasi i dëmtuar është transportuar me ambulancë në Spitalin Rajonal Vlorë, ku ndodhet nën kujdesin e mjekëve.
Grupi hetimor, nën drejtimin e Prokurorisë, ka nisur veprimet procedurale për sqarimin e plotë të rrethanave të ngjarjes./ZËRI
