TIRANË- Marsel Shega është një prej 18 personave që janë vënë në pranga në kuadër të operacionit të zhvilluar nga Prokuroria e Posaçme Kundër Korrupsionit dhe Krimit të Organizuar (SPAK). Marsel alias Bujar Shega është vënë në pranga në Milano. Ai rezulton të jetë administrator i dy kompanive Viola Green dhe Wonder Green dhe dyshohet të ketë lidhje me Suel Çelën. Në një dosje të Prokurorisë së Elbasanit, e publikuar nga "INA Media", Shega dyshohet se është pjesë e një hetimi të hapur për pastrim parash që në vitin 2018 dhe se është skeduar për lidhje me trafikun e drogës me Suel Çelën. Përmes kompanisë "Viola Green", Shega ka fituar 10 tendera i vetëm dhe 4 të tjerë në bashkëpunim me "Bardhi shpk".
Poll
