TIRANË- Një aksident i rëndë është regjistruar pasditen e sotme në zonën e Yrshekut në Tiranë, në afërsi të zonës së njohur si “Univers City”. Sipas njoftimit të policisë, një automjet me drejtues A.M 52-vjeçar është përplasur me një motor, duke shkaktuar vdekjen e drejtuesit të tij, D.G 21-vjeç.
Rrethanat e aksidentit nuk dihen ende, ndërsa drejtuesi i automjetit është arrestuar nga policia. Në vendngjarje kanë mbërritur shërbimet e policisë dhe grupi hetimor, të cilët po punojnë për zbardhjen e plotë të shkaqeve të ngjarjes.
Njoftimi:
Tiranë/Informacion paraprak
Rreth orës 15:15, në rrugën “Gryka e Kaçanikut”, automjeti me drejtues shtetasin A. M., rreth 52 vjeç, është përplasur me motomjetin me drejtues shtetasin D. G., rreth 21 vjeç.
Si pasojë e aksidentit ka humbur jetën shtetasi D. G, ndërsa shtetasi A. M, është shoqëruar në Komisariat, për veprime të metejshme procedurale.
Grupi hetimor po punon për sqarimin e rrethanave të aksidentit./ZËRI
