TIRANË- Prokuroria e Posaçme SPAK ka publikuar raportin për vitin 2024. Ky raport është depozituar në Kuvendin e Shqipërisë. Në raportin e SPAK thuhet se gjatë vitit 2024 janë regjistruar 65 hetime të nisura kryesisht, edhe pse krahasuar me vitin 2023, vihet re një rënie në masën 7.1%. SPAK njofton se gjatë vitit 2024, rezultojnë të jenë nën hetim 33-ish zyrtarë të lartë, nga të cilët 19 zyrtarë janë dërguar në gjykatë me kërkesë për gjykim, që përbëjnë 52,9% të rasteve. SPAK evidenton gjithashtu se ka përdorur përgjime për 163 procedime penale, ndërsa gjatë vitit 2024 janë përgjuar 3096 telefona. Po ashtu janë identifikuar 16 grupe kriminale të rrezikshme. Vetëm 'Sky ECC' mundësoi identifikimin e 9 grupeve.
Në raportin e SPAK për vitin 2024, thuhet se vlera e pasurive të sekuestruara ka shënuar një rritje të ndjeshme në vitin 2024, prej rreth 47%, konkretisht nga 1.9 miliardë lekë në vitin 2023, në vlerën rreth 2.8 miliardë lekë në vitin 2024. Konkretisht vlera e pasurive të konfiskuara gjatë vitit 2024, është në vlerën rreth 938 milion lekë nga 440 milion lekë që ishte në vitin 2023, dhe 27 milion euro nga rreth 18 milion euro që ishte në vitin 2023. Në total vlera e aseteve të sekuestruara dhe konfiskuara, përllogaritet në vlerën afërsisht prej 65,5 milion euro. Në raport theksohet gjithashtu se ka patur edhe presione të jashtme ndaj Prokurorisë së Posaçme nga krimi i organizuar, aktorë politikë dhe mediatikë të cilët c137nojnë pavarësinë e tij Kushtetuese dhe efektivitetin në hetime.
