TIRANË – Shqipëria konfirmon formën mjaft të mirë që po kalon, duke mundur 2:0 në Air Albania Bullgarinë, në një ndeshje miqësore.
Ekipi ynë kombëtar dominoi sfidën, si në mbajtjen e topit, ashtu edhe në rastet për gol.
Pas disa tentativave, Shqipëria kaloi në avantazh në minutën e 40 të takimit me anë të Qazim Laçit. Ky i fundit shënoi, pas një aksioni mjaft të bukur të kuqezinjve. Me rezultatin 1:0 u mbyll pjesa e parë e takimit.
View this post on Instagram
Pjesa e dytë nisi me tensione mes dy Kombëtareve, teksa në një incident u përfshi edhe bomberi kuq e zi, Asani. Futbollisti bullgar Petkov i vuri duart në fyt lojtarit të Shqipërisë dhe i shpëtoi ndëshkimit me karton të kuq.
Do të duhej të vinte minuta e 80, që Ernest Muçi të realizonte nga distanca.
Kështu, ndeshja miqësore mes Shqipërisë dhe Bullgarisë mbyllet me rezultatin 2:0. Ekipi ynë kombëtar do të bëhet gati, për sfidat e nëntorit për Euro 2024./Zëri.ai/
